నీకు మా స్వచ్చోద్యమాంజలి

మౌనముగనే వేల గంటలు ‘మనం మనకోసం సుమా’! అని

ఎవడు చేసెనో సొంత ఊరికి ఇన్ని వేల దినాల సేవలు

వీధి వీధిన దుమ్ము ధూళిని, మురుగు కాల్వల సిల్టుతో డెనొ

అతడె వాసన కృష్ణారావని – అతని బ్రతుకాదర్శమేనని....

సు ‘వాసన’ తో – ఉన్న ఊరి స్వస్తతకు తగు నిబద్ధతతో –

ప్రతి దినం రెండేసి గంటలు పాటుబడు ఒకమంచి బుద్దితొ –

గ్రామ జనులకు ప్రేరకంగా, ప్రపంచానికి దార్శనికముగ

నిలిచి వెలిగిన కృష్ణరావూ! నీ కిదే స్వచ్చోద్యమాంజలి !

ఎవడు మాత్రం ‘శిలాశాసన’ మనేంతగ జీవించగలడా?

ఇతని కన్నా చిత్త శుధ్ధితొ ఉన్న ఊరును కొలువ గలడా?

చదువు, ఆర్ధిక స్థితే తక్కువ – స్వచ్ఛ సుందర స్పృహే ఎక్కువ

కృష్ణారావుకు సొంత గ్రామపు కీర్తి చంద్రికలందె మక్కువ!

ఔను నిజమే – కరోనా పై అలసి ముగిసిన సమర మతనిది

సమాజం యెడ చెక్కు చెదరని స్వచ్ఛ బాధ్యత అతనికున్నది

వైద్య శాఖకు – ప్రభుత్వాలకు అతని బాధ్యత ఎంత పట్టెను?

కోట్లు – లక్షలు కుమ్మరించిన ఇంత బాధ్యుడు ఎచట దొరుకును ?

సోదర స్వచ్ఛ కార్యకర్తల తరపున -  

నల్లూరి రామారావు, రిటైర్డ్ ప్రిన్సిపల్,

చల్లపల్లి.