మజ్జిగా! ఓహో మజ్జిగా!
చిక్కని మజ్జిగ! చక్కని మజ్జిగ! ఝుమ్మను కమ్మని చల్లని మజ్జిగ
వేసవి ఎండల మంటలలో - మమ్మాదు కొన్న సంజీవనివో!
హడలెత్తించిన రోహిణిలో - ఉడుకెత్తే శరీరతాపములో
బైటకె రాకూడని సమయం - ఇది ఐనా తప్పని అవశ్యకం
స్వచ్చ సైనికుల సహకారంతో బాటసారులకు వరానివో!
॥మజ్జిగా! ఓహో మజ్జిగా!॥
అల్లం - మిర్చీ కలయికతో తగు మాత్రం లవణం చేరికతో
మండు వేసవికి విరుగుడువై మకరంద బిందు సంసేవికవై
సాదరముగ ప్రతి ప్రయాణికుని రారమ్మని దప్పిక తీర్చితివే
స్వచ్చ సైనికుల సహనంతో నీ చల్లదనం పోటీపడెనే!
॥మజ్జిగా! ఓహో మజ్జిగా!॥
పూర్వ విద్యార్ధి వితరణతో - ఇతరేతర దాతల పూనికతో
‘గస్తీ గది’ చతురోక్తులతో – నీ కమ్మని చల్లని నైజంతో
వందల - వేల బాటసారుల కమందానంద ప్రదాతవై
మండు వేసవిని దాటించితివే! ఎండ నుండి గట్టెక్కించితివే
॥మజ్జిగా! ఓహో మజ్జిగా!॥