ఒక్కసారికి మాత్రమే పనికివచ్చే ప్లాస్టిక్ వస్తువులను వేటినీ వాడం

స్వచ్ఛ సుందర చల్లపల్లి ఉద్యమం – 1682*వ నాటి కబుర్లు.

నేటి శుభోదయంలో (23+6+5+8) 42 మంది నిస్వార్ధ పరుల శ్రమదానం ఈ గ్రామానికి బహుముఖంగా సమకూడింది.

1) M.R.O కార్యలయం మొదలుకొని N.T.R. పార్కు, కరెంట్ కార్యాలయం చివరి దాక కొందరు ప్లాస్టిక్ సంచులు, ఖాళీ మద్యం సీసాలు, ఇతర వ్యర్ధాలు, దుమ్ము, ఏరి-ఊడ్చి-ట్రాక్టర్ కెత్తి డంపింగ్ కేంద్రానికి చేర్చారు. దారికి రెండో ప్రక్క బస్ స్టాపు, పెట్రోలు బంకు పరిసరాలను స్త్రీ కార్యకర్తలు శుభ్రపరిచారు. NTR పార్కు లో సుమారు 30 మంది కేవలం తమ దేహ దారుఢ్యం కోసం నడుస్తూ, ఆటలాడుతుంటే ఆ సమీపంలోనే స్వచ్ఛ కార్యకర్తలు గ్రామ శుభ్రతా సౌభాగ్యాల కోసం ఏళ్ల తరబడి శ్రమించడం ఒక కాల వై చిత్రి!

2) సుందరీకరణ బృందం పంచాయతీ కి చెందిన సంత గోడలను శుభ్రపరిచే పని పూర్తి చేశారు. త్వరలో రంగులు, పుష్పాలంకరణలు, నినాదాలు రాస్తే సంత బజారుకు కొత్త అందాలు వచ్చినట్లే.

3) సంత మొదట్లో కూరల వ్యర్ధాలు కుళ్లి, కంపు కొడుతుంటే ఆ వ్యర్ధాలను ట్రాక్టర్ కెత్తిన కార్యకర్తలు శతధాప్రశంసార్హులు.

4) పట్టు వీడని, మడం త్రిప్పని నారాయణరావు నగర్ కార్యకర్తల 641* వ నాటి ఆదర్శ గ్రామ సేవలు కొనసాగాయి.

5) ఈ మండు వేసవిలో వేలాది మొక్కలకు నీరందించి, సంరక్షిస్తున్న మనకోసం మనం ట్రస్టు ఉద్యోగులకు అభినందనలు.

విజయా జూనియర్ కళాశాల లెక్చరర్ శ్రీ వేముల శ్రీనివాస్ ముమ్మారు ఉచ్ఛరించిన గ్రామ స్వచ్ఛతా సంకల్ప నినాదాలకు ముక్త కంఠం తో కార్యకర్తలు బదులియ్యడంతో 6.35 నిముషాలకు నేటి సేవలకు స్వస్తి!

రేపటి మన గ్రామ సేవల కోసం విజయవాడ రోడ్డులో – పెట్రోల్ బంక్ వద్ద కలుద్దాం.

*జనానంద హితం*.
సులువైనది – విలువైనది- సుమ సుందరకరమైనది
బలమైనది – ప్రజారోగ్యప్రదమైనది – కథ కానిది
పదహారోందల రోజుల పైగా స్థిర పడినట్టిది
స్వచ్చోద్యమ చల్లపల్లి జనానంద హితమైనది!

-నల్లూరి రామారావు
స్వచ్ఛ సుందర చల్లపల్లి కార్యకర్త
సభ్యులు, మనకోసం మనం ట్రస్టు
గురువారం – 20/06/2019
చల్లపల్లి.

4.05 కు MRO ఆఫీసు వద్ద అంబేద్కర్ విగ్రహం వద్ద శుభ్రం చేస్తున్న కార్యకర్తలుబోర్డు పడిపోయిన దృశ్యంబోర్డును సరిచేసిన తరువాత
ప్రతిరోజూ ఇక్కడ కూరగాయల చెత్త ఉంటోంది. ఇది రైతు బజారు వారు వేస్తున్న చెత్త అని చెబుతున్నారు.  శుభ్రం చేసిన తరువాత
చెత్త లోడింగ్ బృందం NTR పార్క్ లో ఉన్న టాయిలెట్స్
నడకుదురు రోడ్డు మొదట్లో ఉన్న బస్టాండ్ వద్ద శుభ్రం చేస్తున్న స్త్రీ కార్యకర్తలు
రోడ్డు పై ఉన్న మట్టిని శుభ్రం చేస్తున్న స్త్రీ కార్యకర్త
                                              సంత గోడపై ఉన్న పోస్టర్లన్నీ శుభ్రం చేస్తున్న కార్యకర్తలు
యువ కార్యకర్తలు
కార్యక్రమం అనంతరం స్వచ్చ నారాయణరావునగర్ కార్యకర్తలు

Powered by Facebook Like