ఒక్కసారికి మాత్రమే పనికివచ్చే ప్లాస్టిక్ వస్తువులను వేటినీ వాడం

                                        స్వచ్ఛ సుందర చల్లపల్లి ఉద్యమం – 1709* వ దినం విశేషాలు.

వానతెరపి ఇవ్వడంతో నేటి వేకువ 4.06 – 6.05 మధ్య (29+7) 36 మంది స్వచ్చంద గ్రామ సేవకులు రైతుబజారు, సంత ప్రాంతంలో, నారాయణరావునగర్ లో చల్లపల్లి శుభ్రతకు అంకితులయ్యారు.

– సంతబజారులో ఐదారుగురి స్వచ్ఛ చర్యలు జరుగగా, ఎక్కువ మంది సంతలోపలి షెడ్డులలో, ప్రహరీల పైన ఏకొంచెం చోటు మిగిలినా సుందరీకరణ ప్రయత్నంలో నిమగ్నులయ్యారు.

– దక్షిణ ప్రహరీ గోడ మీద “వృక్ష సుందరి” కి ఇద్దరు కళాకారిణులు మరిన్ని సొబగులు దిద్దారు.

– 7 గురు కార్యకర్తలు నీళ్ళ టాంకుల ప్రహరీలకు రంగు పూసే దీక్షలోను, నలుగురైదుగురు ముఖ ద్వారం ప్రక్కన నిన్నటి చిత్రాలకు మెరుగులు దిద్దుతూ, మరో నలుగురు మత్స్యభవనానికి, కరెంటు స్తంభాలకు రంగులు దిద్దుతూ ఆనందిస్తున్నారు.

– అక్కడ నారాయణరావునగర్ లో 668*వ నాడు నిర్విఘ్నంగా గ్రామసేవలు జరుగుతున్నవి.

దీనర్ధం ఏమంటే – స్వచ్చ సైనికులంటే – మురుగు పారిశుద్ధ్య కార్మికులు, రోడ్ల దుమ్ము, చెత్త ఊడ్చి ఎత్తేవారు, శ్మశానాల – బస్ ప్రాంగణాల – కర్మ భవనాల – రహదారుల స్వచ్చ – సుందర – ఆరోగ్య చల్లపల్లి రూపశిల్పులన్నమాట!

– లయన్స్ క్లబ్ ప్రతినిధిగా అధ్యక్షులు శ్రీ టి. సాంబశివరావు గారు నేటి సేవలో పాల్గొన్నారు.

దుబాయి నుండి వచ్చిన దాసరి స్నేహ (‘మనకోసం మనం’ సంస్థ బాధ్యుల్లో పిన్నవయస్కురాలు) నేటి స్వచ్చ కార్యక్రమంలో చురుకుగా పాల్గొని, సంత బజారు ప్రక్క వేయబోతున్న పేవర్ టైల్స్ ఖర్చుల నిమిత్తం 2,00,000/- (రెండు లక్షలు) విరాళం ప్రకటించినందుకు స్వచ్చోద్యమ చల్లపల్లి ధన్యవాదాలు. చెక్కును రేపు అందజేయనున్నారు.

సమధికోత్సాహంతో స్నేహ ముమ్మారు పలికిన స్వచ్చ సంకల్ప నినాదాలకు కార్యకర్తలు బదులివ్వడంతో 6.45 నిముషాలకు నేటి గ్రామ సేవల వేడుక ముగిసింది.

రేపటి మన బాధ్యతల కోసం సంత దగ్గరే కలుద్దాం.

               నిత్య సేవల సంబరాలివి
ప్రముఖులందరి ప్రోద్బలంతో – సుముఖులిందరి స్వాగతంతో
భిన్న ధృవముల ఆదరంతో – పిన్నపెద్దల సంబరంతో
దాతలెందరో సహకరించగ – నేతలూ చేయూతనీయగ
చల్లపల్లి లొ నిత్య సేవల సంబరం ఐదేళ్ళ నుండీ!

– నల్లూరి రామారావు
స్వచ్ఛ సుందర చల్లపల్లి కార్యకర్త మరియు
సభ్యులు – మనకోసం మనం ట్రస్టు
బుధవారం – 17/07/2019
చల్లపల్లి.

4.06 కు సంతలోరంగులు కలుపుతూటాంకు ప్రహరీ గోడలకు రంగులు వేస్తూ

నారాయణరావునగర్ కార్యక్రమాలు

Powered by Facebook Like