ఒక్కసారికి మాత్రమే పనికి వచ్చే ప్లాస్టిక్ వస్తువులను వేటినీ వాడం

*సుందరవనంగా మారబోతున్న చిల్లలవాగు గట్టు*

అలుపెరగని స్వచ్చ కార్యకర్తల స్వచ్ఛ సేవ – 1384*వ రోజు

ఈరోజు ఉదయం 4:18 గంటల నుండి 6:30 గంటల వరకు 55 మంది స్వచ్ఛ కార్యకర్తలు విజయవాడ రోడ్డులోని చిల్లలవాగు ఎడమ గట్టున శుభ్రం చేశారు. శ్రీ సత్య సాయి ధ్యానమండలి వారు,  జనవిజ్ఞానవేదిక, లయన్స్ క్లబ్ వారు, స్వచ్ఛ సుందర చల్లపల్లి కార్యకర్తలు మొక్కలు నాటారు.

కొంతమంది కార్యకర్తలు చిల్లలవాగు వద్ద నుండి వక్కలగడ్డకు వెళ్ళే దారిలో ఇరువైపులా శుభ్రం చేసి చెత్తను డంపింగ్ యార్డుకి తరలించారు. శ్రీనీత ఫీడ్స్ అధినేత “నాయుడు శ్రీధర్” గారు ఇచ్చిన ‘క్రోటన్ మొక్కలను’ రెండు ఇరువైపులా నాటారు.

నిన్న సాయంత్రం వివేకానంద డిగ్రీ కాలేజీ విద్యార్ధులు మేకలడొంక వద్ద చేసిన స్వచ్ఛ కృషి తర్వాత వచ్చిన చెత్తను కూడా ఈరోజు డంపింగ్ యార్డుకి తరలించడం జరిగింది.

ద్రోణ గారు రాఖీ పౌర్ణమి పండుగ సందర్భంగా తెచ్చిన రాఖీలను స్త్రీ కార్యకర్తలందరూ పురుష కార్యకర్తలందరికి కట్టడం జరిగింది.

“ద్రోణ గారు” చెప్పిన నినాదాలతో ఈనాటి స్వచ్ఛ కార్యక్రమం ముగిసింది.

కార్యక్రమం అనంతరం స్వచ్చతా పరుగును నిర్వహించారు.

స్వచ్ఛ నారాయణరావు నగర్ కార్యక్రమాలు 343*వ రోజుకి చేరుకున్నాయి.

రేపటి స్వచ్ఛ కార్యక్రమం కోసం ఉదయం 4:30 గంటలకు విజయవాడ రోడ్డులోని చిల్లలవాగు వద్ద కలుసుకుందాం.

ఇట్లు

డా. దాసరి రామకృష్ణ ప్రసాదు

మేనేజింగ్ ట్రస్టీ, మనకోసం మనం ట్రస్ట్

స్వచ్ఛ సుందర చల్లపల్లి కార్యకర్త, చల్లపల్లి.

ఆదివారం – 26/08/2018.

*ఇవే ఇకపై కొత్త కధలు*

చల్లపల్లి గ్రామంలో స్వచ్ఛ భటుల సేవలయెడ

అవహేళన లాటంకములవి ఒకానొకప్పుడు

అభివందన సమర్ధనలు ఆ ఉద్యమమునకిప్పుడు

స్వచ్ఛ సైన్య విన్యాసాలికపై కొంగ్రాత్త కధలు  !

-నల్లూరి రామారావు

చల్లపల్లి.

Powered by Facebook Like