శ్రీశ్రీలాగా చెప్పాలంటే –

ఓ మహాత్మా! ఓ మహర్షీ!

ఏది నష్టం - ఏది కష్టం? దురదృష్టమదృష్టమేమిటి?

గ్రామమంటే ఇసుక – మట్టా? గ్రామమంటే జనం కాదా?

కార్యకర్తల తపస్సెందుకు – ఊరి స్వస్తత కోరి కాదా?

‘మనం మన కోసం శ్రమిస్తే - గ్రామ సౌఖ్యం మెరుగుపడదా?

హరిత సంపద – స్వచ్ఛ శుభ్రత అందలంలో తిరుగుతుంటే - ’

‘అందమే ఆనంద' మను కవి అంతరార్ధం బోధపడితే –

కార్యకర్తలె కాకజనమూ కలిసి మెలిసీ శ్రమిస్తుంటే

ఊళ్ళు నందనమైతే దేశం ఉన్నత స్థితి చేరుకొనదా?

          ఓ మహర్షీ! ఏది స్పందన? ఓ మహాత్మా! ఎచట బాధ్యత?

నీవు నేర్పిన విద్యలేమిటి - నేడు జరిగే తంతులెందుకు?