పర్యావరణ ధ్వంసకమవుతూ - కేవలం ఒక్కసారి వాడేసే ప్లాస్టిక్కులు మానలేమా?

పెద్ద పండగ నాటి కొద్దిమంది గ్రామ సేవానందం-@3714^*

15-1-26 గురువారం నాడు చాలమంది గ్రామస్తుల్లో సంక్రాంతి ఆనంద తరంగాలు; గ్రామ పౌరుల్ని ఆహ్లాద ఆరోగ్యాల సౌకర్యాలతో ఆశీర్వదిస్తూ  కనీసం 28+ ఒక్కరి వీధి బాధ్యతలు!  ఈ  పడమటి వీధి పరిశుభ్రతానందంలో పాలు పంచుకొన్న కనీసం ఇద్దరు స్థానికులు!

 ఒక ప్రక్క దట్టమైన హిమపాతం - మరో వంక వీధి మలుపుల వద్ద తగ్గని వాహనాల వేగం - ఐనా జాగ్రత్తగా ఈ పాతిక మంది కార్యకర్తల వీధి పారిశుద్ధ్యం!

రోడ్డు మార్జిన్లలో ప్రోగు చేసిన రాతి ముక్కలు, దుమ్ము, పెంకులు 50 గజాల దూరంగా డిప్పలతో మోసి - పాగోలు బజారు ఎదుట - అంబేత్కర్ భారీ ఫ్లెక్సీ్ుట - అంబేత్కర్ భార దగ్గర తారు రోడ్డుకు రక్షణగా పనికొచ్చాయి.

గోకుడు పారలతో - పారలతో చెక్కిన గడ్డి వల్ల వీధి మరింత విశాలంగా, స్థానిక మహిళలు తీర్చిదిద్దిన రంగవల్లులతో ఆ 150 గజాల వీధి 6.30 కు ఎంత అందంగా తయారయిందో చూడండి! ఆమాట కొస్తే- ఇక్కడి నుండి కాసానగరం వైపు 2 కిలోమీటర్ల అవనిగడ్డ రహదారీ ఎంత హరిత సుందరంగా కనిపిస్తున్నది ?

 వీటన్నిటికీ మూలం ఒక్కటే ఒక్కటి- " మేమేకాదు - మా ఇల్లూ మా వీధే కాదు- మా ఊరంతా కళకళలాడుతూ ఉండాలి" అనుకొనే  స్వచ్చ కార్యకర్తల ఆలోచన- ఆచరణ!

" ఇంట్లో ముడుచుకు తొంగుండే బదులు వేకువనే ఒకటి- రెండు గంటలు ఊరి కోసం శ్రమిస్తే పోయేదేమిటి?- మన అనారోగ్యాలు తప్ప, బద్ధకాలు తప్ప" అనే తత్త్వ చింతన!

మరి - ఇలాంటి 12  ఏళ్ల సదాచరణే కదూ - చల్లపల్లిని దేశంలో చాల విషయాల్లో ఆదర్శంగా నిలుపుతున్నది?

ఈ స్వచ్చ కార్యకర్తల శ్రమ త్యాగమే కదూ – విజయవాడ నుండి 110 కిలోమీటర్లు ప్రయాణం చేయించి, వేకువనే గోపాళం శివన్నారాయణ వైద్యుడిని రప్పించింది?

పోతురాజు గుడి సాక్షిగా నేటి సమావేశంలో:

- డాక్టర్ గోపాళం గారి నందీ- పందుల, ఆవూ – పాముల క్రొత్త నిర్వచనాలు,

స్వచ్చోద్యమానికి  అతని 5000/- విరాళమూ,

-Dr. గోపాల కృష్ణయ్యగారి 2000/- చందా,

- కుమారుని పుట్పటినరోజు సందర్భంగా పల్నాటి అన్నపూర్ణా భాస్కరుల 1000/- సహకారమూ,

"రేపటి గ్రామ బాధ్యత కూడ పడమటి వీధిలో " అనే నిర్ణయమూ!

                   చేయవలసినది మరువకుందురు

చేసిన శ్రమలకు సంతోషించుచుచేయవలసినది మరువకుందురు!

ఊరు పెద్దదని, ఎంత చేసినా ఉండును మిగిలే అని గ్రహింతురు!

ఎన్నటికైనా గ్రామస్తుల సహకారం తప్పక లభించగలదని,

ఊరు మరింతగ బాగు పడుననే కార్యకర్తలా లోచిస్తుందురు!

- నల్లూరి రామారావు

ఒక సీనియర్ స్వచ్ఛ కార్యకర్త

15.01.2026