ఓహోహో స్వచ్చోద్యమమా!
ఓహోహో స్వచ్చోద్యమమా నా - గ్రామ భవితవ్య కీలకమా!
సకాల సముచిత నిర్ణయమా ! శుభ స్వచ్ఛ సౌందర్య వికాసమా!
॥ఓహో! ఓ స్వచ్చోద్యమమా॥
బాహ్య విసర్జన కాలములో దు - ర్గంధ భూయిష్ట గ్రామములో
మాకై వచ్చిన విప్లవమా ! మా - చల్లపల్లికే ఒక వరమా!
॥ఓహోహో స్వచ్చోద్యమమా॥
ఊరి కాలుష్య ధ్వంసములో జన - స్వస్త సంక్షేమ సాధనలో
స్వచ్ఛ సైనికుల త్యాగముతో పరి - పుష్టి చెందు శ్రమవినోదమా
॥ఓహోహో! స్వచ్చోద్యమమా॥
శత సంఖ్యాధిక సైన్యంతో సుమ - సుందర బంధుర లక్ష్యంతో
అలవని - సొలవని పయనంతో ఒక - విశ్వవిఖ్యాత వివేకమా!
॥ఓహోహో! స్వచ్చోద్యమమా॥
కను విందగు రహదారులతో ఘుమ - ఘుమలాడే సుమ బాలలతో
సందర్శకులను రమ్మని పిలిచే - స్వచ్ఛ సౌందర్య విలాసమా!
ఓహోహో! స్వచ్చోద్యమమా నా - గ్రామ భవితవ్య కీలకమా!
సకాల సముచిత నిర్ణయమా! శుభ స్వచ్ఛ సౌందర్య వినోదమా!
॥ఓహోహో! స్వచ్చోద్యమమా॥