850 రోజులు పూర్తి అయిన సమయాన స్వచ్ఛ సుందర చల్లపల్లి ఉద్యమ విజయాలు :
• 85,000 గంటల నిస్వార్ధ, నిరంతర స్వచ్ఛ సేవ.
• వరప్రసాద రెడ్డి గారి ఆర్ధిక సహాయంతో శ్మశాన వాటిక, డంపింగ్ యార్డుల అభివృద్ధి, సుందరీకరణ.
• గంగులవారిపాలెం రోడ్డు అభివృద్ధి, రెండువైపులా రహదారి వనముల అభివృద్ధి.
• ఆ రోడ్డు పక్కనే 400 మీటర్ల అంతర్గత మురుగునీటి పారుదల వ్యవస్థ.
• ఎన్.టి.ఆర్. పార్కులో అధునాతన పబ్లిక్ టాయిలెట్లు.
• ఆర్.టి.సి. బస్టాండ్ ఆధునీకరణ, పూలవనాల అభివృద్ధి.
• చల్లపల్లి లోని 18 వార్డులలోని 6 వార్డుల లోను, ప్రధాన రహదారి లోను చెత్త సేకరణ, డంపింగ్ యార్డుకి తరలించుట.
• ప్లాస్టిక్ టీ కప్పుల వాడకం పూర్తిగా ఆగిపోవడం. క్యారీ బ్యాగుల, ప్లాస్టిక్ గ్లాసుల, ప్లాస్టిక్, థర్మోకోల్ ప్లేట్ల వాడకంలో కొంత తగ్గుదల.
• ప్రభుత్వ సహాయానికి తోడు మరికొంత ఖర్చుతో 70 వ్యక్తిగత మరుగుదొడ్లను కట్టించటం, సొంతంగా కట్టుకున్న 130 మందికి ఆర్ధిక సహాయం చెయ్యటం.
• 95% బహిరంగ మలవిసర్జన ఆగిపోవడం.
• రోడ్ల పక్కన, ప్రభుత్వ కార్యాలయాలలోను 3,000 మొక్కలను నాటి, రక్షణగా కంపను కట్టి, నీరుపోసి పెంచటం, రహదారి వనాలను అభివృద్ధి చెయ్యటం.
• ఇంటింటికీ తిరిగి పరిశుభ్రత గురించి, మొక్కల రక్షణ గురించి, చేతి సంచుల వాడకం గురించి ప్రచారం చెయ్యడం.
• పాఠశాలలలో, కళాశాలలలో విద్యార్థులకు స్వచ్ఛ ఉద్యమంలో పాల్గొనడంపై అవగాహన కల్పించటం.
• ‘ఆనంద ఆదివారం’ లాంటి కార్యక్రమాల ద్వారా విద్యార్థులలో, ప్రజలలో స్వచ్ఛ అవగాహన పెంచి స్వచ్ఛ కార్యకర్తలను తయారుచెయ్యటం.
• స్వచ్ఛ భారత్ ‘ఛాంపియన్’, ‘గ్రీన్ లీఫ్’ అవార్డులను పొందడం.
• మరో 21 గ్రామాలలో స్వచ్ఛ ఉద్యమాలకు స్ఫూర్తి నివ్వడం, పరోక్షంగా మరెంతో మందిలో ఉత్సాహాన్ని నింపడం.
• పరిసరాల పరిశుభ్రత పట్ల చల్లపల్లి ప్రజలలో పెరిగిన అవగాహన.
• వాట్సాప్, ఫేస్ బుక్ ల ద్వారా ప్రవాసాంధ్రులను ఉత్తేజపర్చటం.
• గ్రామస్తులలో శ్రమదాన సంస్కృతి, అర్థదాన సంస్కృతి కలిగించటం.
• జనంలో ఫ్లెక్సీల, ప్లాస్టిక్ వస్తువుల మోజు తగ్గడం.
• ఈగల దోమల వ్యాప్తి ఉధృతిని తగ్గించటం.
• స్వచ్చత - శుభ్రత – సుందరీకరణల పట్ల అత్యధిక గ్రామస్తులలో సానుకూలత.
భవిష్యత్తులో....
• చల్లపల్లిలో సంపూర్ణ పరిశుభ్రత, సుందరీకరణ.
• చల్లపల్లి మొత్తం అంతర్గత మురుగునీటి పారుదల వ్యవస్థను నిర్మించటం.
ప్రతిరోజూ ఒక గంటసేపు మన ఊరి కోసం పనిచెయ్యాలనే భావన అందరిలో వచ్చి చల్లపల్లి లోని 20,000 మంది ప్రజలు స్వచ్ఛ ఉద్యమ కార్యకర్తలుగా తయారవ్వడం. వీలు కానప్పుడు వారానికి ఒక్కరోజైనా ఊరికోసం పని చేయాలనే స్పృహ కల్పించడం.
• క్యారీబ్యాగుల, ప్లాస్టిక్ గ్లాసుల, ప్లాస్టిక్ ప్లేట్ల వాడకం పూర్తిగా ఆపడం.
• ఘన వ్యర్థ పదార్ధాల నిర్వహణ శాస్త్రీయంగా జరిపి ‘జీరో’ వేస్ట్ గ్రామంగా తయారవ్వడం.
• జన సామర్ధ్యం ఉండే ప్రాంతాల్లో పబ్లిక్ టాయిలెట్లను ఏర్పాటు చెయ్యడం.
• గ్రామ పంచాయతీకి సొంతంగా నిర్వహణా సామర్థ్యం వచ్చేవరకు సహాయం చెయ్యడం.
• స్వచ్ఛత, శుభ్రత, పర్యావరణ భద్రత, సుందరీకరణ పౌరుల జీవన విధానంగా మలచటం.
- ప్రాతూరి శాస్త్రి
04.10.2020.